POMPONIUS Bellievraeus

POMPONIUS Bellievraeus

Cancellarius Galliae: fil. Claudii, primarii Praesidis Curiae summae Gratianopol. ex Ludovica Faya, Lugdunensi. Postquam Tolosae et Patavii literis vacâsset, Senator Curiae Camberiacensis, urbe tum a Gallis captâ, constitutus; mox negotiis in Gallia, Germania, Anglia, Polonia, Italia maximis, imprimis Verbinii, ubi pax tum fervebat, adhibuitus; eques dein ab Henrico M. creatus est, A. C. 1599. Literatus, et Literatorum fautor: Interfuit collationi Petronianae, A. C. 1600. Obiit A. C. 1607. aetat. 78. A Thuano, Pap. Massonio, Scaevola Sammartano pro funere laudatus. Ex Maria Pruneria, pater Nicolai, primarii Praesidis Parlamenti Parisiensis, avus Pomponii similiter Praesidis, Alberti et Claudii, Archiepiscoporum Lugdunensium.